EH Bildu Orozkok berritze prozesua abiatuko du. Parte-hartzea, gardentasuna eta Orozkoko herritarrenganako hurbiltasuna dira prozesu berri horren xedeak, koalizioak adierazi duenez.
Etorkizunari begira hartu dute aldaketa hori martxan jartzeko erabakia eta helburua herritarrei hitza ematea izango da, proposamen zehatzak aukeratzeko eta lehentasunak markatu ahal izateko.
Aldaketari abiapuntua emateko zer nolako herria nahi duten galdetu nahi diote Orozkoko herritarrei, izan ere, EH Bildu Orozkok hainbat iradokizun jaso ditu herritarren partetik azken urteetan.
“EH Bilduren bilakaera herrian” lelopean, prozesuan zehar hainbat solasaldi antolatuko dituzte, lehenengoa, uztailaren 4an arratsaldeko 19:00etan izango da Orozkoko herriko plazan, Laura Mintegirekin, EH Bilduko legebiltzarkidea. Solasaldira herritar guztiak gonbidatu nahi dituzte, “tarte irekia eta gertukoa” izatea nahi baitu koalizioak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
