Zubiaur eraikuntzak-en inguruan hausnarketa egin du Orozkoko Bilduk. Zubiaur Eraikuntzak sozietatearen ordezkarien azken bileran, geratzen ziren bi aholkularien (EAJ eta Bildu) dimisioaren ondoren eta horrek ekarri duen sozietatearen blokeoaren aurrean egin du Bilduk gogoeta.
Izan ere, azken hilabeteetan hainbat izan dira Bilduk aurkeztutako proposamenak Hegoalde auzoko etxebizitzen arazoari irtenbidea emateko, baina, talde politikoak adierazi duenez, sozietatearen aholkularien azken bileran “gobernu taldea arazotik guztiz aldendu da”.
Arazo horren garrantzia azpimarratu nahi izan du Bilduk eta sozietate mota horien beharra aztertu gabe, argi utzi nahi izan du: “betidanik hegemonikoa izan den alderdi jeltzalearen tresna izan dela Zubiaur Eraikuntzak, beraien gehiegizko hazkunde politikak aurrera eramateko. Beraz, arazo honen oinarri”. Bilduk gogoratu du, Ezker Abertzalea izan zela iraganean hirigintza proiektu horren kontra azaldu zen talde bakarra.
Gobernu taldeari dagokionez, urbanizazioaren kontra jokatu dutela diote, sozietatetik dimitituz eta “gezurrak eta faltsukeriak erabiliz proiektuaren kontra”.
Orozkoko EHBilduk, bukatzeko, arazo horren aurrean irtenbide bat bilatzeko ahaleginak beti egin dituela adierazi du eta ADIEri, gobernu arduradun bezala, zentzutasunez jokatzeko deia luzatu dio.