Alaitz Aramendi preso politiko orozkoarrari Frantziako epaitegiek 18 urteko kondena ezarri zioten 2013ko martxoan. Kondena hori Fresneseko espetxean betetzen hasi zen eta duela hilabete batzuk Poitiers-Vivonneko espetxera eraman dute.
Abenduan, espetxeko funtzionarioek zenbaketak egiten hasi ziren gaueko ordu txikietan. Oheratzen direnetik ordu biero egiten dituzte zenbaketa hauek eta presoen arabera “tortura” bat izaten hari da.
Gizonezkoen moduluan dauden bi preso politiko, prebentiboko muduluan dauden bi neska eta emakumezkoen muduluan dauden Alaitz Aramendi eta beste kide bat, zenbaketa hauen aurkako protestari ekin diote. Janaria errefusatzen hasi dira baita bisiten aurreko miaketengatik kexak jartzen. Funtzionarioen jarreraren aurka mobilizatzeagatik, preso hauek, bakartze ziegetan egunak ematen dituzte eta espedienteak jasotzen hasi dira.
Presoen familien erantzuna
Presoen familiek ere egoera honen aurka azaldu dira eta konponbideak bilatzeko asmoz Poitiers-Vivonneko zuzendariari gutunak bidaltzeko kainpainia jarri dute martxan. Gutun hauetan gaueko zenbaketak bertan behera usteko eskatzen diote.