Gazteek dituzten ohitura berriek sortutako erronkei aurre egiteko Orozkoko Udalak bilera antolatu du gaur 19:30ean Donibane Aretoan. Deialdi horretan parte hartzeko deituta daude gazteak, gurasoak, auzokideak eta jabeak.
Josu San Pedro alkatearen iritziz lonjen kontua ez da Orozkon bakarrik agertu den gaia: "herri askotan neurriak hartu dituzte". Alkatearen ustez gazteen lokalek galdera asko eragin dituzte. Alde batetik, udalak hainbat auzokideen kexak jaso ditu. Zarata eta garbiketari buruzko kexa dira horiek, gehienbat.
Hala ere, Josu San Pedrok uste du segurtasun aldetik ere hausnartu behar dela herrian. "Zeozer gertatzen bada segurtasunaren aldetik udalari eskatuko diote ardurak" adierazi du San Pedrok.
Prozesu partehartzailea
Alkateak esan du ADIEk badituela ideia batzuk lonjei buruz, baina plataformak uste du guztien artean adostu behar direla hartuko diren neurriak.
Hori dela eta, gaurko bileran diagnostikoa egiten saiatuko dira eragile ezberdinekin. Geroago, talde bakoitzarekin bilduko dira aparte. Prozesu horen ondorioak irizpide gisa erabiliko ditu Udalak.
Euskararen eguna
Gaur Orozkon beste hitzordua dute 20:30ean euskararen nazioarteko egunaren harira. 20:30ean plazatik abiatuko da kantukada eta tabernarik Taberna kantari arituko dira "Benta Zaharreko Mutiko Alaiak" musika taldeko kideak.