Zubiaur Eraikuntzak Elkarteak egun salgai dituen 9 etxebizitzen salneurria merkatzeko proposamena egitea erabaki du ADIEk. Hala iragarri du Orozkoko alkateak Elkartearen azken Ezohiko Batzarraren ostean eskainitako adierazpenetan.
Zubiaur Eraikuntzak Elkarteak erabilitako orubeen salerosketan Orozkoko udalarekin sortutako zorra eta Udalak Elkarteari maileguan emandako diruen kitapena burutzea espero du alkateak proposamen honekin. Izan ere, udalarekin bi zor dituzte. Batetik 1.600.000 euro eta bestetik 150.000 euro. “Bata prestamo gisa utzitakoa da, eta bestea pisuetako solarra saldu/erostekoa tramitea. Udalak lurra saldu zionetik dago zorra”, zehaztu du. Etxebizitza sozialak eskura jartzeko herritarren artean inkesta egingo dute: “Nahi duguna pisuak merkatzea da, baina horretarako jendeka zen bat diru irabazten duen jakin nahi dugu, errenta egokia bilatzeko. Diru gutxiago badu, jendeak gutxiago ordain dezan”. Horretarako, BBKkoekin harremanak hasi dituzte, “eta ez digute oztoporik jarri, teknikoek erez....”. Guztira, 9 pisu jarriko dituzte salgai.
Udalbatzan polemika
Zubiaur Eraikuntzak sozietate publikoa da. Orain arte, etxebizitzak egin ditu. Duela gutxi, ordea, ADIEko bi kidek Administrazio Kontseiluan parte hartzeari uko egin zioten. Udala tartean izaki, Bilduk eta EAJk osatutako oposizioak alkatea eta alkateordea kontseilari izendatu zituen, baina ADIEko partaideek izendapena errefusatu zuten. Kontseiluaren osaketaren harira, Josu San Pedrok zera adierazi du: “Kontseiluak funtzionatzen jarrai dezake, 3-5 pertsona diote estatutuek. Bi joan dira, orduan 3 daude. Funtzionala da eta ez gara sartuko”.Udalbatzaren aurretik egindako Kontseiluan, ADIEko ordezkariek galderak luzatu zituzten. Bilduko eta EAJko kideek, alde egitea erabaki zuten.