17:00etan heldu da Pablo Gorostiaga Orozkora Judit Uriarte, bere emaztea, agurtzeko antolatu den ekitaldian parte hartzeko. Segurtasun neurri handien artean egin da agurra eta senideez gain Sortu alderdiko ordezkariak hurbildu dira.
Hasiera batean ika-mika jaso da. Epaileak emandako aginduaren inguruan irakurketa ezberdinak egin baitituzte senideek eta poliziek. Azkenean ez arazorik egon.
Pablo Gorostiaga bilurrik gabe izan da ekitaldian eta presoa zaintzen zuten polizien jarrera lasaia izan da. Baita etxe kanpoan geratu diren lau furgonetena ere.
Ekitaldia bukatu ostean talde txikitan elkartu dira senitartekoak Pablo Gorostiagarekin. Hori bai, ertzainek familiar guztiak identifikatu dituzte senideak direla ziurtatzeko.
Senideen aburuz indartsu eta alaitsu azaldu da Laudioko alkate ohia. 19:00ak aldera poliziak kartzelara eraman du preso aretarra. Errepidean ehun bat aiaraldearrek elkartasuna adierazi diote presoari, poliziaren zaintzapean.
Senideek deialdiak zabaldu dituzte
Pablo Gorostiaga eta Judith Uriarteren senitartekoek laster egingo diren bi ekimenetan parte hartzeko deialdia zabaldu dute.
Bihar Laudioko Herriko Plazan egingo den elkarretaratzea da lehena. Sakabanaketaren aurkako mobilazazioa 19:30ean hasiko da.
Hurrengo deialdia irailaren 13an izango da. Baranbioko Garrastatxuko baselizaren ingurutan antolatu da Judith Uriarte agurtzeko ekitaldi publikoa.