Orozkoko Udalak sustatu nahi du etxebizitzen alokairua eta horretarako bi ildo landu ditu. Alde batetik, Eusko Jaurlaritzarekin eta Alokabiderekin akordioa sinatu du. Bestalde, araudia sortu du etxebizitzak alokatzen dituztenek abantailak eskuratu ditzaten.
Bizigune eta ASAP
Alokabideren bi programa horien bitartez erakundearen bitartekaritza bermatzen da. Bizigunek 6 urteko kontratua proposatzen du. Horrela, etxebizitzaren jabeak jasotzen du merkatuko %65 salneurria 450 euroko gehienezko mugarekin. 6 urteak bukatzean Alokabidek ziurtatuko du etxearen egoera egokia. Izan ere, Alokabidek izango du harremana inkilinoarekin.
ASAP programak -Alokairu Segurua, Arrazoizko Prezioa- aldiz, Alokabideren esku uzten du bermatzea inkilinoak hilero ordaintzen duela. Helburu horrekin asegurua kontratatzen du.
Diru-laguntzak
Aipatu programetan parte hartzen dutenek udalaren diru-laguntzak eskuratzeko parada izango dute:
- Alokabidek eskatzen dituen obrak gauzatzeko
- Kobratzen dutena osatzeko
- Eraginkortasun energetikoaren ziurtagiria lortzeko
- Hobariak izateko OHZn eta lanak egiteko etxebizitzetan behar diren baimenetan