"Euskal Herri independiente bateko herritarra izan gure" duten ebatziko dute maiatzaren 7an

Abenduan eginiko aurkezpen publikoaren irudi bat. Argazkia: aiaraldea.eus

Ebatzi Orozko dinamikako kideek zehaztu berri dute zein izango den maiatzaren 7ko herri kontsultako galdera.

Zehaztu berri dute zein izango den Gure Esku Dagok Orozkon egingo duen herri kontsultaren galdera: “Izan gure dozu Euskal Herri independente bateko herritarra?”. Maiatzaren 7an egingo da bozketa.
Egun horretan herritar guztiak egongo dira galdera horri “Bai” edo “Ez” erantzutera.

Gure Esku Dago Orozko taldeko kideek azpimarratu dute garrantzitsuena ez dela baiezko edo ezezko asko lortzea, “ahalik eta jende gehien” parte hartzea baizik. Helburu horri begira ari dira lanean.

Hitzaldia martxoaren 24an
Erabakitzeko eskubideari buruzko mahaingurua antolatu du Orozkoko Gure Esku Dagok martxoaren 24rako. 19:30ean izango da zita, kiroldegian. Hiru hizlari egongo dira: Juan Jose Ibarretxe lehendakaria, Zelai Nicolas legelaria eta Mario Zubiaga EHUko irakaslea.

Iragan abenduan egin zuten ekimenaren aurkezpena, “Ebatzi Orozko” lemapean:


Ez da eskualdean egiten den independentziaren inguruan egiten den lehen herri kontsulta. 2014ko azaroan Arrankudiaga-Zollon egin zuten:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide