Giza baliabideen plan estrategikoa onartu dute Orozkon, udal-talde guztien aldeko botoekin. Udaleko langileak “gaztetzea” da planaren helburu nagusia.
Plan horren baitan, 60 urte betetzen dituzten udal langileek aukera izango dute funtzionario izaten jarraitzeari uko egiteko. Kalte-ordaina jasoko lukete trukean, urte eta erdiko indemnizazioa 63 urte bete arte.
2019ra arte indarrean
Josu San Pedro alkateak adierazi du plana 2019ra arte egongo dela indarrean. Alkateak jakinarazi du plana “lan hitzarmenaren gainetik” dagoela. Hau da, nahi duten langileei soilik aplikatuko zaiela. Sopelako Udaleko plana izan da eredua.
Otsaileko udal osoko bilkuran onartu zen udaleko langileen lan-hitzarmen berria. Sindikatuek begi onez ikusi zuten hitzarmen hura, San Pedrok azaldu duenez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
