Kontu Publikoen Euskal Epaitegiak adierazi zuen duela 3 urte Zubiaur Eraikuntzak sozietatearen kudeaketan irregulartasunak jaso zirela, eta horren ondorioz, salaketa jarri zuen Orozkoko Udalak.
Orain Estatuko Kontuen Epaitegiak jakinarazi du Jose Antonio Olaguenagak ez zuela prebarikaziorik egin 51.000 euro dieten bitartez kobratzeagatik. Izan ere, sozietateak arautu zuen 1994an presidenteak soldata kobratzeko aukera.
Horrez gain, Bilboko Epaitegiko 5. Aretoko epaileek erabaki dute Olaguenagak (EAJ), Joseba Estiballesek (EAJ) eta Pedro Goirik (EH Bildu) ez zutela legearen kontrako jarduerarik egin Zubiaur Eraikuntzaken kudeaketaren lehiaketa publikoa bertan behera uzteagatik.
EAJ pozik
Eusko Alderdi Jeltzalea epaiarekin pozik dagoela adierazi du. Aldi berean, salatu du kriminalizatzeko saiakera egin dela eta ardurak eskatuko dituela.
Josu San Pedro ez dago ados
Egungo Orozkoko alkateak, ordea, ez du egiten bat epaiarekin. Bere ustetan, Juan Antonio Olaguenagak soldata zuen herriko alkatea izateagatik eta, horrez gain, Zubiaur Eraikuntzak sozietatearen aldetik ere jaso zuen dirua.
Gainera, nabarmendu du urte horietako kudeaketak 5 milioi euroko zorra utzi duela udalean.
EH Bilduren galdera
Ekaineko udalbatzan EH Bilduko bozeramaileak galdetu zuen nork ordainduko dituen salaketek eragindako gastuak. Koalizioaren ustez, Zubiaur Eraikuntzak egin beharko luke.
Udalak salatu zuen Zubiaur Eraikuntzaken bitartez, erakunde horren zuzendaria zenean 51.000 euro kobratzeagatik, baina epaileek baztertu dute prebarikatu izana.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide