Epaiaren zain geratu da Alaitz Aramendi, epaiketa amaituta

Erredakzioa 2017ko ekainaren 29a
Deskargatu Info Ahotsak :

Jende ugari bertaratu zen Entzutegi Nazionalera atzo, auzipetuei elkartasuna adierazteko.

Ehunka urteko kartzela zigorra eskaera egin diote, Madrilen ekintza armatua egitea egotzita. Senideek salatu dute aurkeztutako frogak oso urriak direla.

Amaitu berri da Alaitz Aramendiren aurkako epaiketa Madrilgo Entzutegi Nazionalean. Epaiaren zain geratu da preso politiko orozkoarra.

Jose Angel Aramendik azaldu du hiru hilabeteren buruan aterako dela ebazpen hori. Alaitzen aitak salatu du fiskaltzak “oso froga urriak” aurkeztu dituela. “Nobela bat muntatu dute, baina ezin izan dute frogatu”.

Hala ere, sententziaren gaineko kezka azaldu dute senideek. “Egoera normal batean absolbitu egin beharko lukete, baina badakigu Entzutegi Nazionala ez dela auzitegi normal bat”.

Ehunka urteko kartzela zigor eskaera
Ehunka urteko kartzela zigorra eskatu dio fiskalak Alaitz Aramendiri, gaur egungo legediarekin gehien jota 40 urtekoa izango litzatekeen arren.

Madrilen ekintza armatua egitea egotzi diote. 2007an atxilotu zuten Frantzian, eta bertan ari da 18 urteko kartzela-zigorra betetzen, ETAko militantea izateagatik. Iragan martxoan mugitu zuten Madrilera, epaiketa dela eta.

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide