Adopziozko seme izendatuko ditu Orozkok Blas de Otero poeta eta José Arrue margolaria

Erredakzioa 2017ko abuztuaren 30a
Deskargatu Info Ahotsak :

Bihar ez ohiko udal osoko bilkura egingo dute horretarako 18:00etan.

Berez, aurtengo San Antolin jaietako pregoilari hautatu dituzte artistak; eta Sabina de la Cruz Blas de Oteroren
alargunak irakurriko du jaien hasierako pregoia euren izenean egun berean 19:00etan, udaletxeko balkoian.

Sortzaile biek izan zuten harreman estua herriarekin. Blas de Otero Bilbon jaio arren, bere ama eta amona Orozkokoak ziren, Santa Marinakoak, alegia, eta denboraldi luzea eman zuen bertan. Olerkariaren lanetan behin baino gehiagotan agertzen da herria.

Bestalde, Jose Arrue margolariak, Segunda Mendizábal Rotaecherekin ezkondu ostean aldatu zuen bizilekua Bilbotik Orozkoraa, 1910ean. Orozkon inspirazioa topatu zuen Arruek eta hainbat lanetan islatu zituen herriko ohiturak (erromeriak, besteak beste). Athletic Clubek ere erabili zuen Orozkon oinarritutako Arrueren margolan bat 2016-2017 denboraldiko argazki ofizialean.

 

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide