Orozkoko Film Laburren Lehiaketaren bigarren edizioan parte hartzeko epea ireki du Supelaur elkarteak. Urriaren 30era arte egongo da lanak aurkezteko epea. 1 eta 7 minutu arteko iraupena izan beharko dute bideoek. Gaia librea izango da, baina filmak euskaraz grabatuak egon beharko dira nahitaez. Aurretik lehiaketetara aurkeztu gabeak izan beharko dira baita eta Creative Commons lizentziapean zabaldu beharko dira.
Hemen kontsultatu daitezke lehiaketaren oinarriak eta aurkezteko modua.
Lanen proiekzioa azaroaren 3an
Azaroaren 3an proiektatuko dira aurkeztutako lan guztiak. Lau sari egongo dira: Lehena (300 eurokoa), bigarrena (150 eurokoa), hirugarrena (100 eurokoa) eta publikoarena. Hiru kidek osatuko dute epaimahaia: Patxo Telleria aktore eta zinema zuzendariak, Supelaur elkarteko kide batek eta Orozkoko udaletxeko kultura saileko ordezkari batek.
Iaz egin zen lehiaketaren lehen edizioa, eta honako lan hauek aurkeztu ziren:
Urriaren 30ra arte egongo da II. Film Laburren Lehiaketan izena emateko epea
Patxo Telleria aktore eta zinema zuzendaria arituko da epaimahaian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide