Larunbatean emango diote hasiera Orozkoko VIII. Aste Mikologikoari 9:30etan Orozkoko plazatik abiatuko den mendi ibilaldiarekin. Ibilaldian zehar perretxikoak jaso eta igandean ikusgai jarriko dituzte.
Larunbat arratsaldeko ekintzak Arbaitza auzoan burutuko dituzte. Urtzi Vera argazkilariak naturarekin erlazionatutako argazkiak proiektatuko ditu 19:30etan Arbaitzako baselizan. 20:00etan, aldiz, mikologia dastaketa prestatukodute Arbaitzako txokoan.
Iganderako ere hainbat ekintza antolatu dituzte. 11:00etan 16 urtetik beherako gaztetxoentzako perretxiko sailkatze lehiaketa ospatuko dute liburutegian. 11:30etan perretxiko erakusketa egongo da herriko plazan. Orozkoko Museoan, ordea, 12:00etatik aurrera Urtzi Veraren argazki erakusketa eta Jose Maria Ibarbia, Laudioko Mikologia Elkarteko kidearen “Onddoak basoaren berme” hitzaldia eskainiko dituzte. 14:00etako sari banaketarekin batera emango diote amaiera Aste Mikologikoari.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
