700 marihuana landare topatu ostean, gizonezko bat ikertzen ari da Ertzaintza

Erredakzioa 2017ko abenduaren 4a
Deskargatu Info Ahotsak :

Ertzaintzak eskualdean topatutako kalamu landare batzuk. / Ertzaintza.net

Orozkoko baserri batean aurkitu zituzten kalamu landareak ostiralean, sute baten ondorioz, eta polizia ikertzen ari da 38 urteko gizonezko batek horrekin duen ardura.

Ostiralean suhiltzaileek esku hartu behar izan zuten Orozkoko baserri batean, sute bat itzaltzeko. Antza, istripua jazo zen elektrizitate instalazioak arazoa izan zuelako. Zehazki, zirkuitulaburra gertatu zen kontsumo handiko lanparak zituelako norbaitek 700 marihuana landare hazteko.

Gertakariaren ondorioz, Ertzaintzak abiatu du ikerketa argitzeko 38 urteko gizonezko batek landareekin duen harremana.

Printzipioz, poliziak osasun publikoaren kontrako delitua egotzi dio, eta ikerketa bukatu bezain laster epaitegira bidaliko dituzte emaitzak. Akusatua ez dute atxilotu, momentuz.

Jendartea Orozko
Erlazionatuak
Sutea piztu da Larrondo auzoan
Sutea piztu da Larrondo auzoan

Erredakzioa 2017 abe 01 Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide