aiaraldea.eus

Euskararen normalizaziorantz urrats berria eman du Orozkoko udalak UEMAn sartuta

Erabiltzailearen aurpegia Aimar Gutierrez   Euskara  Orozko

Udalerri Euskaldunen Mankomunitateko 85. udalerria da Orozko, iragan larunbatean UEMAk Batzar Nagusian horrela ebatzi ostean.

Euskararen normalizaziorantz urrats berria eman du Orozkoko udalak UEMAn sartuta
Begoñe Olabarria, Orozkoko euskara eta kultura zinegotzia, UEMAren abenduko Batzar Nagusian / UEMA | Ikusi handiago | Argazki originala

Udal Euskaldunen Mankomunitatea Euskal Herri osoko udalerri euskaldunak batzen dituen erakunde publikoa da. Duela 26 urte sortu zen erakunde publikoak, euskararen ezagutza biztanleen %70 gainditzen duten udalerriak hartzen ditu bere baitan.

UEMAk, abenduaren 16an Ikaztegietan ospatutako Batzar Nagusian, Orozkok mankomunitatera sartzeko eskaerari baiezkoa eman zion. Mankomunitateko 85. udalerria izango da Orozko.

Euskararen erabilera eta ezagutzaren artean dagoen alde nabarmenak sortzen du kezka Orozkoko Udalean. Euskararen ezagutza %70,92koa da herrian, erabilera datuak, ordea, askoz baxuagoak dira, Arazo horri konponbidea bilatu nahian uztaileko udalbatzan aho batez onartu zen Orozkok UEMAko kide izateko eskaera luzatzea. Gaurdanik eta mankomunitateko kide izateagatik laguntzak jasoko ditu euskararen normalizazioari begira bai eta herritarrak sentzibilzatze aldera.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa