Gentzane Aldai orozkoarra hedabideen aurrean jarri zen astelehenean jakinarazteko Laboral Kutxa Emakume Master Cup pilota txapelketan izena emateko epea irekirik dagoela hemen urtarrilaren 19ra arte.
Berarentzat lehen urtea izango da lehiaketan eta Promozio-mailan arituko da bikoteka. Emakume Master Cup-eko banakako txapelketan aritu zen iaz eta 12 urte egon da pilotan jokatu gabe, talderik ez baitzegoen Orozkon parte hartzeko. Bere bikotea, aldiz, hasiberria da. Izaskun Martin du izena eta Basaurikoa da.
Ekitaldia Laboral Kutxako egoitza berrian egin zuten Bilbon eta iazko Elite Mailako txapeldunak egon ziren ere: Olatz Arrizabalaga eta Leire Etxaniz.
Urtarrilean hasiko dira pilotakadak
Txapelketa hilabete amaieran abiatuko dute. Lehenengo kanporaketak Gasteizen jokatuko dira Mendizorrotza Kirol Esparruan.
Hurrengoak, aldiz, Bizkaian: Larrabetzun, Markinan eta Santurtzin. Ondoren, finalerdiak Oñatin izango dira, eta finalak, Eibarko Astelenean. ETBk zuzenean eskainiko ditu biak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
