aiaraldea.eus

"Ortu ekologikoarekin baliabide gehiago eman nahi dizkiogu ikastetxeari"

Erabiltzailearen aurpegia Aitor Aspuru Saez   Ingurumena  Orozko

RAFA ETXEBARRIAk (Orozko, 1967) herriko ikastetxean baratz ekologikoa sustatu du hainbat gurasorekin. Orain deialdia zabaldu dute herritarren laguntza jasotzeko. Izan ere, tokiko haziak jaso nahi dituzte.

"Ortu ekologikoarekin baliabide gehiago eman nahi dizkiogu ikastetxeari"
Rafa Etxebarria baratzean. / Urtzi Vera | Ikusi handiago | Argazki originala

Zertan datza Orozkoko eskolako ortu proiektua?

Eskolari beste tresna bat ematea da helburua, guraso batzuen partetik hasi zen, eskolak daukan baliabideak erabilita.

Zer da orain eskatu berri duzuena?

Orozkoko haziak gaude biltzen, hainbat ortuzaleei eskatu dizkiegu, baita postontzi batzuk prestatu ere, eskolan eta herriko beste puntuetan jarritakoak, norberak bere haziak usteko...

Gertu hazi diren landareak hobeto eraldatuko direlakoan gaude, irizpide ekologikoak erabiltzen ditugu eta.

Zer bide jarrai daitezke parte hartzeko ekimenean?

Postontzira edo ortuan ibiltzen garenongana hurbildu, haziak eta haren informazioagaz; espeziea, beharrak, zenbat urtez egon den Orozkon...

Zer jarduera mota izan dituzue ortuan eta zeintzuk izango dira etorkizunean?

Ortuarekin eskolari beste tresna bat ematea da xedea, gurasoek hasitako proiektua da, baina irakasleen esku ere uzten duguna.

Iaz hasi ginen eta oso harrera ona izan zuen guztion partez. Aurten lan asko aurreratu dugu eta seguru esperientzia onak aterako direla.

Zeintzuk dira sustatu nahi dituzuen balioak?

Ingurugiroari errespetua, naturaren baliabideak era zentzudunean erabiltzea, elkarlana edo elikadura burujabetza, besteak beste.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa