aiaraldea.eus

Bi garaipen erdietsi ditu Ione Basterrak Espainiako Kopan

Erabiltzailearen aurpegia Txabi Alvarado Bañares   Kirola  Orozko
Bi garaipen erdietsi ditu Ione Basterrak Espainiako Kopan

Bi lasterketa izan ditu Jone Basterrak asteburuan: Tomelloson -Ciudad Real- izan da bata eta Arcasen -Cuenca- bestea. Espainiako Handbike Kopako lehen bi norgehiagokak izan dira, eta Basterra pozik geratu da lortutako emaitzekin, bi lasterketetan lortu baitu lehen postua. “Oso pozik nago egindako lanarekin, oso ondo sentitu naiz lasterketa bietan”, adierazi du kirolari orozkoarrak.

Promesas Cofidis taldearekin aritu da Basterra bi lasterketetan. “Talde hau Cofidis enpresaren laguntzarekin sortu berri da txirrindularitza egokituan gabiltzan gazteak ahalik eta gehien laguntzeko helburuarekin, etorkizunean errendimendu altuko kirolariak izatera heldu gaitezen”, azaldu du kirolariak.

Maila horretara iristeko oraindik lan asko egin beharko du Basterrak, baina oso pozik dago eman dioten aukerarekin eta “topera” aprobetxatuko duela ziurtatu du. “Oraingoz taldea sei txirrindularik osatzen dugu, modalitate desberdinekoak”. Hala ere, Saiatu fundazioko txirrindularia izaten jarraitzen du Basterrak.

Erronka berriak
Bi aste barru Madrilgo maratoian parte hartuko du orozkoarrak. Maiatza “hilabete garrantzitsua” izango dela dio, “Espainiako Kopako beste proba bat daukat eta baita Espainiako txapelketa ere”.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa