aiaraldea.eus

Eskolan eta igerilekuetan hobekuntzak egingo dituzte

Erabiltzailearen aurpegia Izar Mendiguren Cosgaya   Politika  Orozko

Eskolan eta igerilekuan obrak egingo dituzte. Ikastetxean estalkia konponduko dute, eta kiroldegian klimatizazio sistema.

Eskolan eta igerilekuetan hobekuntzak egingo dituzte
Asteartean izan zen udalbatza. / Orozkoko Udala | Ikusi handiago | Argazki originala

Asteartean izan zen Orozkoko Udalbatza. Eskolako estalkia konpontzea eta igerilekuko klimatizazioa hobetzea izan ziren hartutako erabakietako bi. Diru-laguntza eskaerak egin dituzte horretarako.

Eskolako obra
"Eskolaren kasuan eraikin zaharraren teilatua berritzeko diru-laguntza eskatu genuen, 139.000 eurotan baloratutako memoria aurkeztu genuen, eta 83.000€ emango dizkigute, %60 hain zuzen", azaldu du Josu Sanpedro alkateak. Edifizioak itokinik ez badu ere, egoera kritikoan dago egun, alkatearen hitzetan: "Hautsi baino lehen, aurreratzea erabaki dugu; berdin jarri beharko baita dirua".

Igerilekuko klimatizazio sistema
Igerilekuari dagokionean, 83.000 euroko gastua aurreikusi zuten, "nahiz eta eskaera muga 80.000 eurokoa izan". Energia sistema berritzeko 48.000€ eskuratuko dituzte, hots, %60. "Igerilekuko klimatizazioa aldatzean datza. Ireki zirenetik dago martxan, Agenda 21n barruan eskaera aurkeztu dugun 3. aldia da. Azkenean onartu egin digute".

Udalaren erremanentea ere izan zuten hizpide; 171.548 eurokoa izango baita, azken moldaketa egin ondotik. Bestalde, hondakinen tratamenduaren zerbitzuaren prestazioa egiteko hitzarmena onartu zen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa