aiaraldea.eus

Izaro Blanco da Espainiako Kick Boxingeko Light eta Point Contacteko txapelduna, eta Iker Blanco bigarrena

Erabiltzailearen aurpegia Erredakzioa   Kirola  Orozko

Marinen, Pontevedran, lehiatu dira Espainiako Kick Boxing kiroleko Light Contact eta Point Contact txapelketak asteburuan eta Izaro eta Iker Blanco Pikaza orozkoarrek euren palmaresak handitu dituzte podiumera igota.

Izaro Blanco da Espainiako Kick Boxingeko Light eta Point Contacteko txapelduna, eta Iker Blanco bigarrena
Asteburuan 4 domina berri eskuratu dituzte Izaro eta Iker Blanco Pikazak. | Ikusi handiago | Argazki originala

Izaro eta Iker Blanco Pikaza neba-arrebek Pontevedrara jo zuten asteburuan Espainiako Kick Boxing Light Contact eta Point Contact Txapelketetan parte hartzeko.

Izaro 65 kilo gaineko 13-14-15 urteetako kategorian lehiatu zen eta txapelak lortu zituen bi diziplinetan, bost borroka egin ostean.

Ikerrek, ordea, 79 kilo azpiko 16-17-18 urteetako esparruan borrokatu zuen. Bost norgehiagoka izan zituen ere eta Kick Boxing Light Contact zein Point Contacten bigarren postuak eskuratu zituen.

Arrakastaz beteriko ibilbidea
Ugaoko Txapeldunak klubeko bi kirolariek Oscar Nevado 2012ko Munduko Kick Boxing Light Contacteko txapelduna izan zuten entrenatzaile asteburuan.

Izaroren palmaresa nabarmentzekoa da: 8 aldiz izan da Espainiako Light Contact txapelduna, 3 aldiz txapeldunordea eta munduko 5. postuan sailkatu zen behin. Horrez gain, Euskadiko 10 txapelketa irabazi ditu.

Bere neba Ikerrek Espainiako 5 txapelketa erdietsi ditu eta 3 txapeldunordetza Light Contacten. Hori ez ezik, Euskadin 12 aldiz izan da garaile. Gainera, Kick Boxingeko gerriko beltza dauka eta epailea da Muay Thay eta Kick Boxing kiroletan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa