Errefuxiatuen aldeko jardunaldiak egin dituzte asteburu honetan Orozkon. Ostiral arratsaldean egin zituzten lehen ekintzak. Bigarren eskuko azoka solidarioa eta errefuxiatuen egoerari buruzko hitzaldia egon ziren.
Atzo, aldiz, zunba saioa egin zuten Izaskun del Cerrorekin eta Gwa Ya taldearen kontzertuarekin amaitu zuten eguna.
Lortutako dirua Himayari emango diote. “Gobernu kanpoko erakunde horrek lan handia egiten du Greziako kanpalekuetan dauden errefuxiatuak pisuetara eramaten”, azaldu du ekimenaren antolatzaileetako bat den Susana Harillok.
Hurrengo zita, Luiaondon
Harillok aurreratu du hurrengo zita ekainaren 16an izango dela, Luiaondon. “Gauza asko ditugu aurreratuta. Zunba, martxak... eta beste hainbat ekintza egongo dira”. Eskualdeko herri askotan egin dituzte jada errefuxiatuen aldeko egunak. Urduñan izan zen lehena, Amurrion bigarrena eta Laudion hirugarrena. Orozkokoa laugarrena izan da.
Argazkiak: Susana Harillo
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide