Tomas Sautua omenduko dute Santa Marina jaietan

Erredakzioa 2018ko uzt. 12a, 07:10
Deskargatu Info Ahotsak :

Iazko ospakizunen irudia. / Orozkoko Udala

Santa Marina jaiak ospatuko dituzte uztailaren 15ean, igandean, izen bereko baselizaren inguruan, eta aukera baliatuko dute Tomas Sautua orozkoarra omentzeko.

Igandean izango dira Orozkon Santa Marina jaiak eta 12:30etatik aurrera hasiko dira ekintzak. Berez, 12:30ean meza egingo dute eta gero Tomas Sautua zendutako herritarra omenduko dute.

Horren ostean, 13:30ak aldera, kometa erakustaldia gauzatuko dute eta jarraian bazkariaren txanda helduko da. Paella eta pastela egongo da menuan.

16:30ean abiatuko dituzte mus eta briska txapelketak. Bukatzeko, triki kantu poteoari ekingo diote.

Tomas Sautua gogoan
Ospakizunak profitatuko dituzte Tomas Sautua orozkoarraren lana aitortzeko. Izan ere, aurten zendu da eta oso aktiboa zen herriko jardueran; bai mikologia elkartean -sukaldari moduan dastatzeak prestatzen zituen, esaterako- zein zezenzaleenean, edo Santa Marinako jaien antolakuntzan laguntzen.

Ez da Sautuak jaso duen lehen omenaldia. Berez, Orozkoko Udalak oharra plazaratu zuen doluminak adierazteko eta EA alderdiak ere ekitaldia egin zuen bera oroitzeko. 

 

Kultura Orozko

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide