Irailaren 1ean margolariz beteko da Orozko. Izan ere, I. Orozko Harana kaleko pintura lehiaketa antolatu du Udalak. Herria izango dute gai artistek, eta bertako txokoak irudikatu beharko dituzte.
Teknika eta formatu aldetik librea izango da txapelketa, nahiz eta fondoa gogorra eta txuria izatea eskatuko duten parte hartzeko. Orozkoko Museoaren zigilua eraman beharko dute obrek, "horretarako 9:00etatik 10:00etara egongo da aukera". Antolatzaileek aurreratu dutenez, une horretan banatuko dituzte beharrezko mapa eta fitxak, kanpoko jendea hurbiltzea espero baitute. Egunean bertan entregatu beharko dituzte lanak, 14:00etatik 15:00etara. Epaimahaia adituek eta kultura zinegotziak osatuko dute, "17:00etan izango da sari banaketa".
Sariei dagokienean, 800€ jasoko ditu irabazleak, 500€ bigarren sailkatuak eta 200€ hirugarrenak. Aurkeztutako lanak Orozkoko Museoan jarriko dituzte ikusgai, irailaren 16 arte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
