Orozkoko EAJk prentsa oharra zabaldu du adierazteko zentro zibiko berriaren eraikuntzaren kontra dagoela. Horren aurka bozkatu zuten udalbatzan eta hala azpimarratu nahi izan dute.
Euren jarrera argudiatzeko, jeltzaleek aipatu dute "auzoetan egin behar diren hobekuntzak baztertu egin direlako, beharrezkoa ez delako eta kostua handiegia eta justifikaziorik gabea izango litzatekeelako" daudela zentro zibiko berriaren aurka.
Hortaz, auzoetan obrak eskatzeaz gain, EAJko kideek salatu dute, euren aburuz, inbertsio berria gastu gehiegi izango dela: "Gaur egun Udal Brigadaren lokala Zubieta etorbidean dago (ADIEk eraikin hori baliatu nahi du bertan zentro zibikoa egiteko) eta brigada Torrezarreko industrialdera eraman nahi du. Kokapen aldaketa horrek udal kutxarentzat ekarriko luke hamar urtetan 250.000 euroko kopurua xahutzea: 25.000 euro urtean. Batuketa sinplea eginez, 750.000 eurotik gora".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
