aiaraldea.eus

Adiek, EAJk eta EH Bilduk aho batez onartu dute espetxe politika aldatzeko mozioa

Erabiltzailearen aurpegia Aitor Aspuru Saez   Politika  Orozko

Atzo izan zen udal osoko bilkura Orozkon eta, besteak beste, espetxe politikaren aldaketa eskatu zuten. Mozio hori besterik ez zuten eztabaidatu.

Adiek, EAJk eta EH Bilduk aho batez onartu dute espetxe politika aldatzeko mozioa
Atzoko udal osoko bilkuraren irudia./ Orozko Udala | Ikusi handiago | Argazki originala

Orozkoko udalbatza izan zen atzo eta EH Bilduk proposatutako testua babestu zuten gainerako talde politikoek,: Adiek zein EAJk.

EH Bilduk eztabaidarako eraman zuen udal osoko bilkurara Araba, Gipuzkoa eta Bizkaiko Batzar Nagusiek onartutako mozioa. Idazkiak aldarrikatzen du espetxe politika aldatzeko beharra, bereziki urrunketa eta sakabanaketa bukatu daitezen.

EH Bilduko ordezkariek gogoratu zuten Alaitz Aramendi preso orokozarra Roanne kartzelan dagoela, Frantziar estatuan, etxetik 850 kilometrora, hain zuzen. Horrek nabarmen zailtzen ditu senideen eta lagunen bisitak.

Aldeko boza eman baino lehen, Josu San Pedro alkateak adierazi zuen ados dagoela Adie testuaren edukiarekin, eta edonork izan beharko lukeela bere familia eta adiskideen babesa izateko eskubidea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa