Hitzarmena sinatu du Orozkoko Udalak Gurutze Gorriarekin, herrian gizarte, osasun eta asistentzia alorrei lotutako hainbat zerbitzu eskaintzeko. Akordio horren bidez “arreta berezia” eskaini ahalko diete gizarteratzeko zailtasunak dituzten edo kalteberatasun egoeran dauden bizilagunei. “Gainera, ezbeharrek sortutako kalteen konponketan, hondamendi publikoetan, gatazketan, gaixotasun edo epidemia egoeretan eta osasun arloko prebentzioan, asistentzian eta konponketan lan egingo da”, tokiko erakundeak azaldu duenez.
Hainbat funtzio
Hauek dira Gurutze Gorriak eskainiko dituen zerbitzu nagusiak: elikagaien eskaerak egiten dituzten familien balorazioak burutzea, horniketa laguntzen kudeaketa, haurren loteak osatzea, beste kanpaina batzuetako loteak kudeatzea, gizarte zerbitzuetatik eratorritakoei erantzuna ematea eta formazio saioak eskaintzea edo horiei begirako laguntza ematea.
Horrez gain, bi erakundeak elkarlanean arituko dira udalak antolatzen dituen ekintza publikoetan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
