aiaraldea.eus

Igerilekuan instalatutako kondentsagailu berriak energiaren %30 aurreztuko du

Erabiltzailearen aurpegia Erredakzioa   Jendartea  Orozko

Bukatu dira Orozkoko igerileku estalian egindako lanak. Udako itxialdia baliatu da obrek erabiltzaileengan eragozpenik ez sortzeko. Eginiko lanek energia gastuaren gutxitzea izan dute helburu.

Igerilekuan instalatutako kondentsagailu berriak energiaren %30 aurreztuko du
Obren ostean energetikoki eraginkorragoak dira Orozkoko igerilekuak. / Orozkoko Udala | Ikusi handiago | Argazki originala

Orozkoko igerileku estaliko kondentsagailua aldatu egin dute. Kondentsagailu zaharra bere zikloaren amaieran zegoen eta makina modernoago batengatik ordezkatua izan da.

Kondentsagailu berriak eraginkortasun energetiko handiagoa dauka. Zaharrarekin alderatuta, kontsumoaren %30 aurrezteko gai izango da. Igerileku girotuen bero galera ekiditeko manta-termiko bat ere instalatu da, gastu energetikoa are gehiago murriztuz.

Obra guztiaren inbertsioa 82.383 eurokoa izan da. Bizkaiko Foru Aldundiaren iraunkortasuna eta ingurune naturala zaintzeko sailak kostuaren zati bat hartu du bere gain, 42.000 euro orotara.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa