XVIII. mendeko "ikuztarria" jarri dute Orozkoko Museoan

Erredakzioa 2018ko urriaren 26a
Deskargatu Info Ahotsak :

Juanjo Hidalgo historialaria "ikuztarriaren" gaineko azalpenak eman zituen urriaren 6an. / Orozkoko Udala

“Ikuztarriak” antzina arropa garbitzeko erabiltzen ziren harri handiak dira. Zaloa auzokoa XVIII. mendekoa da eta orain Orozkoko Museora mugitu dute.

Ondarearen Europar Jardunaldiak ardatz, Juanjo Hidalgo historialariak antzinako arropa garbitzeko metodoen inguruko hitzaldia eskaini zuen iragan urriaren 6an. Hitzaldia Zaloa auzoko “ikuztarri"ari buruzko izan zen, Orozkoko Museoan. Arropa garbitzeko harri hori XVIII. mendekoa da eta laster zaharberrituko dute. Zaharberritze prozesua hasi bitartean Zaloa auzotik Orozkoko Museoaren atzealdera mugitu dute.

Balio handiko pieza da Zaloako “ikuztarri” edo “lixibarria”, duen tamaina handiagatik batez ere. 5 metroko luzera du eta ez da ohikoa horren handiak diren arropa garbitzeko lauzak topatzea.

Hidalgok bere hitzaldian argitu bezala, Orozkon “bogada” hitzarekin ezagutzen zen arropak garbitzeko prozesua. Ikuztarriaren gainean arropak biltzeko ontziak jarri eta ur beroa eta errautsak baliatzen ziren garbiketa egiteko.

"Ikuztarria" museoaren atzeko aldean nola jarri zuten erakusten duen bideoa publikatu zuen Juanjo Hidalgok sare sozialetan:

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide