Egun osoko egitaraua prestatu dute datorren larunbaterako, Tomas Sautua omentzeko

Erredakzioa 2018ko abenduaren 10a
Deskargatu Info Ahotsak :

Azaroan mikologia elkarteko kideek egin zioten omenaldia.

Hainbat elkarte eta norbanakok hartuko dute parte egunaren antolakuntzan.

Omenaldia egingo diote larunbatean -abenduak 15- Tomas Sautuari Orozkon. Egun osoko egitaraua prestatu dute herriko hainbat elkarte eta norbanakoren artean. Kalejira eta umeentzako zekorketa egongo dira lehenbizi. 13:30ean egingo dute omenaldia Zubiaur plazan, eta beste hainbat ekintza gauzatuko dira gero: herriz bazkaria, musika emanaldia, gaztaina dastatzea... Santa Luziako ohiko azoka egongo da herrian, gainera.

Aurten zendu da Sautua. Oso pertsona aktiboa zen mikologia zein zezezale elkarteetan, eta Santa Marinako jaien antolakuntzan ere zegoen murgilduta.

Horrez gain, Orozkoko Udalak berriz editatu du orozkoarrak 2010an plazaratu zuen errezeta liburua, formatu eta argazki berriekin. Udaletxean eskuratu daiteke argitalpena.

Jendartea Orozko
Erlazionatuak
Mikologia zaleek Tomas Sautua omendu dute asteburuan
Mikologia zaleek Tomas Sautua omendu dute asteburuan

Rakel Olabarria 2018 aza 26 Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide