Mikel Martinez antzezlea Orozkoko bi tabernatan arituko da

Mikel Martinez antzezlea. / Tanta

Antzerkiaz gozatzeko aukera egongo da Orozkon, abenduaren 28an, umorez eta eukaraz, Tartean Teatro antzerki konpainiak hain berea duen estiloan. Patxo Telleriak idatzi eta zuzendutako eta Mikel Martinezek antzeztutako bakarrizketa eskainiko dute: Tabernaria. Instrukzioak botatzeko ondo bat kaña. Bi pase egingo dira, 19:00etan lehena, Arrugaeta tabernan eta 20:00etan bigarrena, Eneko tabernan.

Telleriak eta Martinezek urteak daramate lanean bikote artistikoa eratuta. Asko dira sortu, ekoitzi eta antzeztu dituzten lanak, euskaraz zein gazteleraz, berezko langintzatik garatuak.

Ezagunak dira euskara eta euskal kultura umorearen erdigunean jartzen dituzten obrak taularatzeagatik: Euskarazetamol, Euskara cencilloaren manifestua, Ez dok hiru, etab.

Emanaldi honetan, berriz, tabernara gonbidatzen dituzte ikusleak, eta ez zentzu figuratuan soilik. Tabernariak bere ohiko bezeroei kaña bat ondo botatzen irakatsi nahi die. Hori, ordea, bestelako kezkez aritzeko aitzakia besterik ez da izango. Estilo eta forma berezia du antzezlanak, narrazioaren muinak (denbora eta ekonomia eredu berrien gatazkak) horrela eskatuta.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide