aiaraldea.eus

Txakurrek 6 ardi hil eta 8 zauritu dituztela salatu du Udalak

Erabiltzailearen aurpegia Izar Mendiguren Cosgaya   Ingurumena  Orozko

Orozkok Udalak abereen kontrako erasoak salatu ditu, iragan asteburuan jazotako sarraskiaren harira.

Txakurrek 6 ardi hil eta 8 zauritu dituztela salatu du Udalak
Orozkoko erasoa salatu du udalak. / Orozkoko Udala | Ikusi handiago | Argazki originala

"Abereen aurkako txakurren erasoak salatu nahi digutu", azaldu du Orozkoko Udalak prentsa oharrean. Izan ere, aurreko asteburuan Olaguenaga inguruan 6 ardi hil zituzten animaliek, eta beste 8 zauritu zituzten. Zentzu horretan, kaltetutako artzainari babesa helarazi dio udalak. "Ez dira gutxi mota honetako gertakariak", erantsi dute.

Hori dela eta, Bizkaiko Foru Aldundiari oihanzaingoaren zorroztasuna eskatu diote, "mendietan egoten den txakurren kontrol eza" gelditzeko. 

Txakurren araudia
Mendi eremuetan ez ezik, herrigunean ere zenbait neurri abian daudela gogoratu dute: "Besteak beste, kale eta espazio publikoetan txakurrak uneoro lotuta joan behar dira, haien ezaugarriekin bat datorren eta gehienez 2 metroko luzera duena kate edo uhal sendoarekin. Puntu hori ez betetzeak 300,52 eta 1.502,53 euro arteko isuna ekar dezake".

Horrez gain, animalien gorotzak kale edo espazio publikoetan ez pilatzeko jabearen ardura azpimarratu dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa