aiaraldea.eus

Eskalatzeko bi ikastaro antolatu ditu Itxinapek

Erabiltzailearen aurpegia Izar Mendiguren Cosgaya   Kirola  Orozko

Egunak partaideen artean zehaztuko dira. Batetik, rokodromoan teknika hobetzeko saioa eskainiko dute, eta bestetik, harkaitz eskaladako hastapen ikastaroa.

Eskalatzeko bi ikastaro antolatu ditu Itxinapek
Eskalatzen ikasteko saioak prestatu ditu Itxinapek. | Ikusi handiago | Argazki originala

Itxinape Mendi Taldeak eskalada ikastaroa prestatu du. Egunak, baina, zehazteke dituzte oraindik. Bi modalitate jorratuko dituzte: rokodromoa eta haitz eskalada. "Rokodromoan eskalada teknikak landuko ditugu 4 orduko ikastaroan", adierazi dute. Bazkideek 35€ ordaindu beharko dituzte, eta gainontzekoek 40€. 

Bigarren ikastaroa, berriz, haitzetan egingo dute. Bi egun osoko trebakuntza izango da. Data aipatu ez badute ere, tokia aurreratu dute: Atxarte. "Federatua egotea beharrezkoa da", ohartarazi dute antolatzaileek. Izen-ematea zabaldu dute jada, plaza mugatuak egongo baitira. Bazkideek 45€ ordaindu beharko dituzte, eta gainontzekoek 50€. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa