aiaraldea.eus

Orozkorock: "Egindakoak urrats handiagoak emateko balio digu"

Erabiltzailearen aurpegia Izar Mendiguren Cosgaya   Kultura  Orozko

Positiboki baloratu dute antolatzaileek aurtengo edizioa. Hurrengo urteko festibala prestatzen hasiko dira laster, aurreratu dutenez.

Orozkorock: "Egindakoak urrats handiagoak emateko balio digu"
Maiatzaren 18an izan zen Orozkorockeko lehen edizioa. / Aiaraldea.eus | Ikusi handiago | Argazki originala

Maiatzaren 18an izan zen Orozkorock jaialdiko lehen edizioa. Arratsaldetik goizaldera arte antolatu zituzten kontzertuak, orotara 8 talde taularatuta. "Ez dakigu hitz hauekin lortuko dugun behar bezala adieraztea zuenganako gure esker ona, egindako lan eskergagatik. Elkarlanean eraiki dugun Orozkorock jaialdiko lehengo edizioaren emaitza txalotzekoa izan delako. Indartsu eta gogoz abiatu garelako abentura berri honetan", adierazi dute.

Balorazioa osatzeko orduan, auzolanean aritu ziren boluntario guztiak izan dituzte gogoan, "bakoitzak eman duen apurrak osatu baitu Orozkorock".

Musika taldeenganako arreta eskertu diete Batasuna eta Egileor taldeei, eta baliabide andana eskura jartzea Orozkoko Gazte Asanbladari eta Udalari.

Sare sozialetan musika talde eta kolaboratzaile guztiei itzuli diete mezua: "MoonShakers Band​, jaialdia indar eta giro onaz hasteagatik. Emakume gehiago nahi ditugulako oholtza gainean!. Pelax, zuen musika berezi eta itsasoaz bestaldeko influentzia Orozko herrira ekartzeagatik. Fetitxe, jaialdiaren orroa eta erroa izateagatik, zuen denborarekin herriaren irudi eta melodia izan zaretelako. Liher​, zuen soinu lurrikarek pizti guztiak suntsitzeko indarra daukatelako. The Wizards​, zuen heavy metal doinuekin jendea aho zabalik uzteagatik. Eskean Kristö​, zuen erritmo dantzagarriekin euria arazo ez zela sentiarazteagatik. Atom Rhumba​, rock doinuz bustitako kilometroek ez dutelako zuen motorra hausten. Moonshine Wagon​, lagun ezagunak baino gehiago zaretelako... If we continue this way someday we gonna die!". Topatu eta Aiaraldea hedabideei ere eman diete eskerrak, "jaialdia lau haizetara ezagutarazten laguntzeagatik".

Ondorio gisa, hobetzeko asko dagoela aitortu dute, "baina ez dugu dudarik, egindakoak urrats handiagoak emateko balioko digu".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa