“Inoiz baino indartsuago” datoz Zaloako jaiak. Hala ziurtatu dute Orozkoko auzo horretako jai batzordeko kideek. “Ahalegin berezia egiten ari gara auzoetako jaiek garai bateko xarma berreskuratu dezaten”. Urtero pauso berriak ematen dituzte horri begira, eta aurten asteburu osoko egitaraua prestatu dute.
Ostiralean hasi eta igandean amaituko dira festak. “Zapatuan izango dira ekintza gehienak, azken urteetan arrakasta hartzen ari den paella txapelketarekin eta ondorengo herri bazkariarekin”, aurreratu dute antolatzaileek. “Umeentzako puzgarriak, jolasak, eskulan tailerrak egongo dira, besteak beste. Iluntzean garagardo dastatzea egongo da eta, ondoren, musikak hartuko du lekukoa”.
Hiru talde igoko dira auzoko oholtzara: Eneritz eta Marina (euskal kantak), El día de la Rumba eta Los Zopilotes Txirriaos.
EGITARAU OSOA
Ekainak 28, ostirala
19:30 // Jaien hasiera eta pintxo-potea
20:00 // Trikiti, pandero eta txalaparta emanaldia
Ekainak 29, larunbata
11:00 // Meza
12:00 // Paella txapelketa eta puzgarriak
14:30 // Paella txapelketaren sari banaketa
17:00 // Eskulan tailerrak
Tailerrak eta jolasak, Kirkino aisialdi taldearekin
19:00 // Garagardo dastatzea
20:00 // Kontzertuak:
Eneritz eta Marina (euskal kantak)
El día de la rumba
Los Zopilotes Txirriaos
00:30 // Karaokea
Ekainak 30, igandea
13:00 // Bertsolariak, porra txapelketa, pintxoak eta zozketa