Uztailean amaituko dituzte Gizarte Etxea eraikitzeko obrak

Obrak abuzturako amaituak egongo direla aurreikusi du udalak. / Orozkoko Udala

Zubieta kaleko 5. zenbakian egongo da gunea. Datozen hilabeteetan irekiko dute.

Orozkoko Gizarte Etxeari oso gutxi geratzen zaio errealitate bilakatzeko. Uztailean amaituko dituzte Zubieta kaleko 5. zenbakiko eraikina (orain arte udal brigadak baliatzen zuena) egokitzeko obrak. Zoruak, klimatizazio sistema eta igogailuak jartzen ari dira, besteak beste. Jarraian, kanpoko fatxada berritzeko lanak gauzatuko dituzte.  

Kulturari lotutako hainbat azpiegitura izango ditu Gizarte Etxeak, aurreratu dutenez: musika taldeentzako bi entsegu-gela, ludoteka eta gaztetxokoa egongo dira, besteak beste. Lehen solairuan aldiz, aldagelak, udal-liburutegia, ordenagailuen gela eta ikasketarako txokoa egongo dira. Kanpoaldean ere espazio bat egokituko dute, umeentzako jokoekin, irakurtzeko hainbat mahaiekin eta karpa batekin.

475.000 euro baliatuko dituzte aipatutako lan guztiak egiteko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide