Alkatearen soldata mantenduko du ADIEk, baita dedikazio osoa ere

Udal Gobernu Talde berria osatu zen ekainean. / Aiaraldea.eus

Orozkoko Udalak onartu du aste honetan bere funtzionamendua. Batzordeak irekiak izango dira, herritarrek parte har dezaten.

Aste honetan Orozkoko Udalak berretsi du udalbatzan zeintzuk izango diren bere irizpideak lan egiteko indarrean dagoen legealdian.

Alkateak soilik izango du liberazio osoa tokiko erakundean, eta 41.200 -gordinean- jasoko ditu horren truke. Adiek adierazi du aurreko 8 urteetan frogatu dutela ezinezkoa dela dedikazio erdian udal ardurak betetzea.

Dietei dagokienez, gehienez, zinegotzi bakoitzak 4.800 euro bratuko ditu urtero: 150 euro udalbatzan parte hartzeagatik, eta 60 edo 90 euro batzordeetan aritzeagatik, arduren arabera beti ere. Bestelako dietak -bidaiak, bazkariak...- fakturaren bitartez ordainduko dira.

Legealdi berrian Udal Gobernu Batzordeak eta batzorde informatiboek zinegotzi ororen zein herritar guztien partaidetza izango dute, horrela nahi izanez gero. Zehazki, hitza hartzeko txanda egongo da amaieran. Esparru horretan 900 euro edo gehiagoko faktura guztiak onartuko dira.

Udal bozeramaileak hurrengoak izango dira: Idoia Camacho (Adie), Ainara Apraiz (EAJ) eta Samuel Pasandin (EH Bildu). Udalbatzak hileko 2. asteartetan egingo dituzte, abuztuan salbu.

Udal sailei dagokienean, horrela banatuko dira:

  • Euskara, berdintasuna eta komunikazioa
  • Gazteria, kirola, kultura eta hezkuntza
  • Ogasuna, etxebizitza eta hezkuntza
  • Osasuna, ongizatea eta enplegua
  • Hirigintza
  • Turismoa, merkataritza, abeltzaintza, ingurumena eta mendiak

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide