Gorbeiako abeltzaintzari buruzko dokumentala gauzatzeko finantzazioa ez dute oraindik lortu

Larunbatean bazkaria antolatu zuen Gorbeian dokumentala sustatu duen taldeak. Abeltzainak omendu ez ezik, finantzazio iturri berriak ere bilatu zituzten.

Larunbatean Ibarrako auzunean bazkaria egin zuten Gorbeiako abeltzaintza jarduerari buruzko dokumentalean lan egiten ari direnek. Jende ugari batu zen mahaiaren bueltan: zuzendaria, abeltzainak, babesleak, laguntzaileak...

Otordua hasi baino lehen, talde teknikoak aukera baliatu zuen Batis Otaegi eta Jaime Izquierdo elkarrizketatzeko. Berez, dokumentalari dagokionez, zenbait solasaldi grabatzen ari dira orain, baina irudien muntaia abiatu dute jadanik.

Hitzordua aitzakia izan zen proiektua ikusgarri egiteko babes ekonomikoa bilatzeari begira, bai udalen, erakunde publikoen zein pribatuen artean. Jose Luis Urrutia zuzendariak berretsi du hasierako aurreikuspenak ez direla bete eta grabaketen azken txanpa oso modu prekarioan gauzatzen ari direla.

Zentzu horretan, antza, urrun daude oraindik finantzazioaren gutxiengoa eskuratzetik eta, momentuz, egitasmoak talde teknikoaren ahaleginaren ondorioz egiten du aurrera, nahiz eta oraindik ez dakiten soldata duina jasoko duten.

Bazkariaren partaideen artean zeuden Luis Larrea, Enrique Etxebarria, Jon Etxebarria, Puy Arrieta, Manu Bilbao, Juantxu Astondoa, Julian Ajuriaguerra, Maribel Alava, Paula Menoyo, Belen Etxebarria, Fernando Arbaiza, Enrike Mendiguren, Joseba Etxebarria, Iñigo Gracianteparaluzeta,  Antxon Iturriaga, Gorka Bores, Jose Mari Olabarria, Emilio eta Iker Goti, Juanjo Ortiz de Zarate, Iñaki López eta Aitor Azcueta.

Halaber, ondorengo beste pertsona hauek ere gerturatu ziren: Javier Aramendi Itzina elkarteko kidea, Unai Ibarzabal HARAKAIko kidea, Eduardo Aguinaco Arabako Foru Aldundiko Diputatua, Karlos Idirin Zeberioko alkatea, Josu San Pedro Orozkoko alkate ohia eta Pedro Maria Intxaurraga egungo alkatea, Eider Ajuriagerra Zeanuriko alkatea, Enrique Arberas biologoa, Sonia Barrondo Gorbeialdeako langilea, Juan Ignacio Olabarria, Gorbeialdeko presidentea, Batis Otaegi, Arantzatzuko Artzain Eskolako kideak edota Jaime Izquierdo -Asturiaseko aditua landa eremuko garapenean-.

Egitasmoaren bultzatzaileak ere ez ziren falta izan; Jesus Angel Santa Cruz edota Luiso Lopez, besteak beste.

Testua: Aitor Aspuru

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide