Iraileko azken egunetan ospatuko dira Berazako San Migel jaiak. Ostegunetik igandera arte luzatuko da parranda Orozkoko auzoan, egitarau oparoarekin.
Hainbat berrikuntzekin datoz aurtengo festak. “Zapatuan bingoa dugu bazkalostean eta baita musika emanaldi sorpresa ere”, jakinarazi du Gotzone Olabarriak. San Migelek dituzten berezitasunak nabarmendu ditu jai batzordeko kideak: “Giroa eta lekua bereziak dira, herritik oso hurbil dago auzoa, ermita bera herriko zaharrenetariko bat da. Arrue berak aspaldian margoztu zuen kuadro bat jai giroa islatuz. Orain dela bi urte koadro horren antzezpena burutu zen ermitan bertan”.
Bizilagunen artean antolatzen dituzte jaiak, auzolanean. “Auzo batzarrak egiten ditugu, ekainean hasi eta udan zehar ere batzen gara. Irailean egiten ditugu bilerak, lan guztia banatzeko”.
Larunbateko bazkaria
Larunbatean herri bazkaria egingo dute. Hau izango da menua: Ortuko entsalada, patatak “errioxar erara”, oilasko errea, pantxineta, sagardoa, ardoa, ura, ogia eta kafea. Tiketak Itxina tabernan eta Zubiaur kafetegian eskuratu daitezke irailaren 23a baino lehen, 18 euroren truke.
EGITARAU OSOA
Irailak 26, osteguna
18:30 // Lehen suziria eta kanpai hotsa
Irailak 27, ostirala
17:30 // Birziklatu eta jolasteko tailerrak
18:30 // Magia ikuskizuna eta txokolatea
21:00 // PLACTONen kontzertua
Irailak 28, larunbata
14:30 // Herri bazkaria
Parte hartzeko beharrezkoa izango da irailaren 23a baino lehen izena ematea Itxina tabernan edo Zubiaur kafetegian. Bazkariaren ondoren bingoa eta musika talde baten kontzertua egongo dira
17:30 // XXIV. Mus Azkar Txapelketa
21:30 // Kontzertua
JOSELU ANAYAK
Irailak 29, igandea
11:00 // XXIV. Paella Txapelketa
Goiz guztian zehar kalejira egongo da soplagaitek giroturik
11:00 // Meza santua
Ondoren dantzak egongo dira Ubixeta taldearen eskutik
13:30 // Paellen aurkezpena eta sari banaketa
Ondoren zozketa, bazkaria, bingoa eta aulkien jokoa egongo dira