aiaraldea.eus

Elkarretaratzea astelehenean, Artiachetik kaleratutako sei emakumeen alde

Erabiltzailearen aurpegia Erredakzioa   Ekonomia  Orozko

13:00etatik 15:00etara bilduko dira fabrika aurrean. Hurrengo egunean, urriaren 22an, izango da sei behargin kaleratuetako biren epaiketa.

Elkarretaratzea astelehenean, Artiachetik kaleratutako sei emakumeen alde
Ez da fabrikaren aurrean egiten den lehen mobilizazioa izango. | Ikusi handiago | Argazki originala

Elkarretaratzea egingo dute astelehenean, urriak 22, Orozkoko Artiach fabrikaren aurrean, 13:00etatik 15:00etara. Lantegi horretatik kaleratutako sei emakumeei babesa adieraztea izango da mobilizazioaren xedea. Izan ere, asteartean izango da horietako biren epaiketa, seiek eraman baitute enpresa auzitara.

LABen oharra
LAB sindikatuaren Artiacheko ordezkariek oharra plazaratu dute langileei kontzentrazioan parte hartzera animatzeko: “Sarritan borrokatu behar izan dugu Artiacheko langileok enplegu finko eta duin baten alde, enpresak kontratazioetarako darabilen politika diskriminatzailea salatuz”.

Sindikatuak ziurtatu du badaudela kontratazioetan “iruzurra” dagoela frogatzen duten sententziak, baina gaineratu du badakitela ez dela nahikoa arrazoia izatearekin “arazoarekin amaitzeko”.

Horregatik, borrokan jarraitzearen beharra azpimarratu du LABek, eta hainbat aldarrikapen jarri ditu mahai gainean: kaleratutako langileak berriz onartzea, lan ikuskaritzaren errekerimendua betetzea, Aldi Baterako Lanerako enpresa lantegitik kanporatzea eta iruzurrik ez egotea, kontratazioetan “gardentasuna” egon dadin. “Guztiok izan behar dugu bizitza-proiektu bat izateko eskubidea”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa