Spiuk enpresak babestuko dituen ziklokros taldeak aurkeztu zituen ostiralean

Erredakzioa 2019ko urriaren 28a
Deskargatu Info Ahotsak :

Spiuk enpresak ekitaldia antolatu zuen ostiralean, lagunduko dituen ziklokros taldeak jakinarazteko. Aurten Javier Ruiz de Larrinaga markaren enbaxadorea izango da, eta bere txirrindulari garrantzitsuena Felipe Orts izango da, larunbateko Laudioko Ziklokros lasterketaren irabazlea.

Inguruko hainbat herritarren aurrean -Laudioko alkatea barne- ekin zion Spiuk enpresak ziklokrosaren esparruan babestuko dituen kirolariak aurkezteari. Ostiralean izan zen ekitaldia, euren zentroan.

Felipe Orts txirrindulari valentziarra izango da Teika UCI Team taldearen burua. Hainbat aldiz Espainiako Txapeldun izan da, eta 12. da munduko sailkapenean elite kategorian. Horrez gain, munduko txapeldunordea izan zen Sub23ko kirolariek artean. Larunbatean Laudioko Ziklokros Lasterketa irabazi zuen.

Gonzalo Inguanzo eta Sara Bonillo ere izango dira babestuak. Javier Ruiz de Larrinagak lagunduko ditu guztiak bere esperientzia eta aholkuak partekatuta. Izan ere, 5 aldiz irabazi zuen Espainiako Txapelketa.

Halaber, Spiukek iragarri zuen Río Miera-Cantabria Deporte del Club Ciclista Meruelo taldea ere babestuko duela. Juan Mari Guajardo esatariak gidatu zuen aurkezpena.

Argazkiak: Spiuk enpresa eta Laudioko Udaleko prentsa zerbitzua.
Erredakzioa: Aitor Aspuru Saez.

 

 

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide