Urrezko Izarra jaso du Izak, Estatu Espainiarreko beste 80 okindegirekin batera. Sari prestigiotsua da. 950 okindegi aurkeztu ziren guztira norgehiagokara, eta hamazazpi finalaurreko burutu dira guztira.
Aida Fuentes Iza pozik azaldu da lortutako sariarekin. “Une gogorrak izaten ari dira hauek, lan askorekin eta erabaki garrantzitsuekin. Horregatik, sari hau energia txute bat baino gehiago da, aurrera joateko batzuetan behar dugun bultzada da”.
Saria “taldearena” dela gaineratu du okinak: “bezeroena, beti baldintzarik gabe laguntzen didan aitarena eta beti indartsu jarraitzeko zaintzen nauten senideena”. Baina, batez ere, bere amari dedikatu dio saria, bera delako gauero “ogietan arima uzteko” indarra ematen diona.
Ez da Orozkoko okindegiak jasotzen duen lehen saria. Uztailean Euskadiko Mamia aitortza jaso zuten Izakoek.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
