aiaraldea.eus

Estatu Espainiarreko 80 okindegi onenen artean dago Iza

Erabiltzailearen aurpegia Erredakzioa   Jendartea  Orozko

Urrezko Izarra eskuratu du Orozko eta Laudioko okindegiak.

Estatu Espainiarreko 80 okindegi onenen artean dago Iza
Iza okindegiak eginiko ogiak. / Iza | Ikusi handiago | Argazki originala

Urrezko Izarra jaso du Izak, Estatu Espainiarreko beste 80 okindegirekin batera. Sari prestigiotsua da. 950 okindegi aurkeztu ziren guztira norgehiagokara, eta hamazazpi finalaurreko burutu dira guztira.

 

Aida Fuentes Iza pozik azaldu da lortutako sariarekin. “Une gogorrak izaten ari dira hauek, lan askorekin eta erabaki garrantzitsuekin. Horregatik, sari hau energia txute bat baino gehiago da, aurrera joateko batzuetan behar dugun bultzada da”.

 

Saria “taldearena” dela gaineratu du okinak: “bezeroena, beti baldintzarik gabe laguntzen didan aitarena eta beti indartsu jarraitzeko zaintzen nauten senideena”. Baina, batez ere, bere amari dedikatu dio saria, bera delako gauero “ogietan arima uzteko” indarra ematen diona.

 

Ez da Orozkoko okindegiak jasotzen duen lehen saria. Uztailean Euskadiko Mamia aitortza jaso zuten Izakoek.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa