Padel pista bat eraiki nahi du Orozkoko Udalak

Padel posta eraiki nahi du udalak legealdi honetan. / Aiaraldea.eus

Herritarrekin komunikazioa areagotzea eta erraztea eta auzoetako proiektuak bultzatzea izango dira legeladi honetako beste helburuetako batzuk.

Padel pista bat eraikitzea izango da Orozkoko udal-gobernuaren legealdiko helburu nagusienetako bat, legealdiko planean adierazi dutenez. Udal zorra erdira murrizteko asmoa ere badutela adierazi dute, baita udalak antolatutako ekintzetan  “jasangarritasun irizpideak” sartzea ere.

Bestalde, “albiste, kexa, agenda eta oharretarako” aplikazio bat eta “gardentasun atari bat” sortzeko asmoa dutela ere adierazi dute, biztanleekiko gardentasuna areagotzeko. Auzoen kudeaketari dagokionez, baserriak zaharberritzeko eta auzoek haien proiektuak aurrera eraman ahal izateko diru-laguntzak eman, eta zubien eta bideen konponketekin jarraitu nahi dutela adierazi du udal gobernuak. “Joko espazioak” hobetzea, gazteen lonjei modulu alternatiboak eskaintzea eta auzo-etxe berria aktibatzea ere dute helburu.

Orozkoko sustapen turistikoa bultzatzea, “tokiko produktua sustatzea”, gazteak kontratatzeko laguntzak martxan jartzea eta Lanbidek eskaintzen dituen aldi baterako kontratuak luzatzea dira ekonomia arloan hobetu nahi dituzten gaiak. Kulturari eta euskarari dagokionez, antzerki eskola bat sortzen eta euskara eta kirolaren arteko erlazioa indartzen saiatuko dira. Biztanleei egindako kontsultak areagotzera, udalbatzetako “Auzoko Txanda” aktibatzera eta auzo asanbladak indartzera konprometitu dira ere.

Azkenik, berdintasunari eta integrazio sozialari dagokionez, pertsona nagusientzako tailerrak egiteko asmoa dute, baita genero-indarkeriaren kontrako atentzioa beste protokolo baten bidez aktibatzea eta berdintasun plan berria aurrera eramatea ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide