Egun osoko jaia antolatu dute Santa Luzia azoka dela-eta, gaur, Orozkon. Goizean goizetik terreña arrazako behiak izan dira protagonista, aparkaleku eremuan. Hala, Euskadiko terreña txapelketa egin dute, hamairugarrenez. Horrez gain, idiskoen enkantea egin dute eguerdian.
Dena den, bestelako eskaintza ere egon da. Izan ere, eskualdeko ekoizle ugarik jarri dute postua nola ganadu feriaren inguruan, hala frontoi bueltan. Horrez gain, Kalaka zurezko jolasak egon dira umeentzat plazan. Eragile ugarik hartu dute parte: Atxulaur futbol taldeak, Etawasolek, Aresketa Ikastolak (Araba Euskaraz), Supelaurrek... Ildo beretik, aiaraldearren sorkuntza lanak ikusteko eta erosteko aukera egon da, frontoiko postuetan.
Santa Luzia azoka ospatzen ari dira Orozkon. Eguerdian jende asko bildu da: pic.twitter.com/VmJcilHglv
— Aiaraldea.eus (@aiaraldea) December 14, 2019
Arratsaldera arte luzatuko da festa. Jentilzulo kulturgunean, esaterako, herriko musikarien emanaldi berezia egongo da: