Hurrengo taldeak arituko dira 2020ko maiatzaren 23an egingo den Orozkorock jaialdiaren edizio berrian: Toundra, Niña Coyote eta Chico Tornado, The Lizards, The Riff Truckers, Eraso eta Kurkuma.
Horrela jakinarazi zuten antolatzaileek ostiralean egindako aurkezpenean. Ekitaldi motza izan zen. Iazko "aftermovie" bideoa proiektatu zuten ekimenean herritar ugarik lagundu zutela islatzeko eta gero azaldu zuten nola sortu zen egitasmoa.
Horren ondoren, joko duten taldeen zerrenda zabaldu zuten eta Gari musikaria igo zen oholtzara jarraian. Donibane Aretoa gainezka egon zen eta Jentilzulon eskaini zuten kontzertuan ere jende pilo eta giro ona egon zen, Josu Amundarain Orozko Rockeko kideak azaldu duenez.
Antolatzaileek 150 sarrera jarriko dituzte salgai astelehentik aurrera Itxina tabernan eta Jentilzulon.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide