aiaraldea.eus

'KulturBarikuak' ekimenak Mikel Urdangarin eta Katixa Agirre ekarriko ditu Orozkora

Erabiltzailearen aurpegia Orozkoko Udala   Kultura  Orozko

Orozkoko Udaleko Kultura Sailak 'KulturBarikuak' programari ekingo dio urtarrilean. Ekimen berri honek artea eta kultura sustatzea du helburu, eta horretarako hilabete bakoitzeko ostiral bat erabiliko da, doako jarduera programatuta. Lehengo hitzordua 'Margolaria' filma izango da, urtarrilaren 10ean.

'KulturBarikuak' ekimenak Mikel Urdangarin eta Katixa Agirre ekarriko ditu Orozkora
Katixa Agirre idazleak aurkeztuko du bere azken liburua./ Wikipedia | Ikusi handiago | Argazki originala

Lehen hiru hitzorduak prest daude dagoeneko. Urtarrilaren 10ean izango da lehena, 19:00etan, Donibane Aretoan. 'Margolaria' filma proiektatuko da. Gainera, solasaldi musikatua egingo dute Mikel Urdangarinek eta Oier Aranzabalek.

Otsailaren 14an, bigarren 'KulturBarikuak' proposamenean, kafe tertulia egingo dute Katixa Agirrerekin, 'Amek ez dute' lanari buruz, Kultura etxean, 19:00etan.

Bestetik, martxoaren 13an, Donibane Aretoan izango da 'Ez da kasualitatea' bertsolaritza-saioa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa