'KulturBarikuak' ekimenak Mikel Urdangarin eta Katixa Agirre ekarriko ditu Orozkora

Erabiltzailearen aurpegia
Katixa Agirre idazleak aurkeztuko du bere azken liburua./ Wikipedia

Orozkoko Udaleko Kultura Sailak 'KulturBarikuak' programari ekingo dio urtarrilean. Ekimen berri honek artea eta kultura sustatzea du helburu, eta horretarako hilabete bakoitzeko ostiral bat erabiliko da, doako jarduera programatuta. Lehengo hitzordua 'Margolaria' filma izango da, urtarrilaren 10ean.

Lehen hiru hitzorduak prest daude dagoeneko. Urtarrilaren 10ean izango da lehena, 19:00etan, Donibane Aretoan. 'Margolaria' filma proiektatuko da. Gainera, solasaldi musikatua egingo dute Mikel Urdangarinek eta Oier Aranzabalek.

Otsailaren 14an, bigarren 'KulturBarikuak' proposamenean, kafe tertulia egingo dute Katixa Agirrerekin, 'Amek ez dute' lanari buruz, Kultura etxean, 19:00etan.

Bestetik, martxoaren 13an, Donibane Aretoan izango da 'Ez da kasualitatea' bertsolaritza-saioa.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide