Orozkoko liburutegiko liburuak jasotzen jarraitzeko aukera dagoela adierazi dute Udaletik ohar batean. Horretarako, ezinbestekoa izango da norberaren datuak Liburutegia.orozko@bizkaia.org helbide elektronikora bidaltzea. Gainera, bi helbide hauetan ea liburua eskuragarri dagoen begiratu ahalko da: https://www.katalogoak.euskadi.eus eta https://www.liburubila.euskadi.eus/.
Bestalde, KZguneko YouTube kanalean astero egiten ari dira zuzeneko hitzaldiak mundu elektronikoaren hainbat atal azalduta. Horietan, 3D inpresoren funtzionamendua, Android sistema eta mugikorraren mantenurako aholkuak azalduko dira, besteak beste.
Hurrengo hitzaldia gaur goizean izango da, martxoak 14, 11:00-13:00 tartean, ordenagailua birusetatik nola babestu hizpide izanik. Ondoren, maiatzaren 19an, ordutegi berean, 3D inpresioaren inguruan arituko dira.
Maiatzaren 21ean eta 26an, berriz, 18:00-20:00 tartean emango dira hitzaldiak, internet eta Androiden inguruan, hurrenez hurren. Azkenik, 28an, mugikorraren mantenuaren inguruko hitzaldia izango da, goizeko hamaiketatik ordu batera.