Gentzane Aldai eta Aida Iza izan ziren "Sukalerrian" saioko protagonistak atzo

Aitor Aspuru Saez 2020ko abuztuaren 12a

Atzoko saioaren irudia. / ETB-1

Joseba Argiñanoren Sukalerrian saioan agertu ziren atzo Gentzane Aldai eta Aida Iza orozkoarrak. EITBko webgunean ikus daiteke atala.

Atzo zapore orozkoarra izan zuen Sukalerrian ETB-1ko telebista saioak. Izan ere, Karlos Argiñanoren semeak aurkezten duen programak Orozkoko bi protagonista izan zituen.

Ataleko izar nagusia Gentzane Aldai izan zen. Berez, pilotariak aurkezle lanak abiatu ditu Plazandreak proiektuan, ETB-1ko beste ekoizpen bat, zeinak reality show eredua eta pilota nahasten dituen.

Aldai Emakume Cup txapelketako finalera heldu eta gero erreferente ezaguna bilakatu da emakumezko pilotan, baina atzoko saioan futbolari edo eskaladari buruz ere mintzatu zen, ravioliak egiten zituzten bitartean.

Bestalde, Aida Iza okinak errezeta berezia erakutsi zuen, ogia probenza belarrekin eta tomate lehorrekin prestatzeko. Saio osoa EITBko webgunean ikus daiteke, zehazki, hemen.

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide