Kaleratzea egon da Artiach enpresan eta lanuzteak deitu dituzte sindikatuek

Aitor Aspuru Saez 2020ko irailaren 3a
Deskargatu Info Ahotsak :

Gaur bertan Artiach enpresako lantegian egindako mobilizazioa./ LAB sindikatua

ELA, LAB eta ESK sindikatuek mobilizazioak deitu dituzte kaleratzearen kontra.

Abuztuaren 20an kaleratzea egon zen Orozkoko Artiach enpresan. Sindikatuen arabera, diziplina bidea baliatu zuen zuzendaritzak horretarako, eta gutun bidez jakinarazi zion langileari.

Gaur bertan bilerak deitu dituzte lantegian -batzar bakarrean ezinezkoa zen COVID-19aren prebentzio neurriak betetzeko- eta erabaki dute lanuzteak egingo dituztela kaleratzea salatzeko.

ELA, LAB eta ESKren asmoa da ekoizpena gelditzea irailaren 14an, 15ean eta 16an. Txanda bakoitzean bi orduz deituko dituzte beharginak protestara, eta elkarretaratzea egingo dute lantegiaren kanpoko aldean; 04:00etatik 06:00ak arte, 09:00etatik 11:00ak arte eta 16:00etatik 18:00ak arte, hain zuzen.

Pandemia dela eta mobilizazioak legeztatzeko epeak betetzeko arazoak egongo balira, datak aldatuko lirateke. 

Ekonomia Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide