Orozkorock elkarteak ez du bere jarduna eten. Maiatzean egitekoak ziren jaialdia urrira atzeratu ondoren, koronabirusak eragindako pandemiaren ondorioz formatua aldatzea erabaki zuten. Izan ere, jaialdi "handiak" antolatzeko baldintzak nabarmen zaildu ditu COVID-19 birusak. Hargatik, formatu txikiagokoen aldeko apustua egin dute.
Eriz Perez izan zen lehenbiziko gonbidatua. Hala, "Eriz & Totum Revolutum" ikuskizuna taularatu zuen urduñarrak, ikus-entzule ugariren aurrean. Kultura segurua dela aldarrikatu zuten horrela.
Kontzertu gehiago
Rock maratoia hasi baino ez da egin. Izan ere, beste hiru kontzertu egingo dituzte datozen asteetan. Urrriaren 3an William los brazos ikusteko aukera egongo da, 17an Moonshine Wagon, eta 31n Placton. Sarrerak, ordea, astebete lehenago jarriko dira salgai Itxina tabernan, 2 euroren truke.
Argazkiak: Lukas Pasandin
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide